Abo7adeed Game

أضيف بواسطة Hawyphp في قسم Egypt, Games

السلام عليكم يا جماعة ، يارب تكونوا بخير علطول :)

Abo7adeed the game picture
اضغط على الصورة لرؤيتها مكبرة

إنخش فى الموضوع علطول وهو ان فى مجموعة اقل ما يمكنني ان اقوله عليهم انهم عباقرة و طموحين null فكروا فى انهم يعملوا احد المستحيلات الى كانت ممكن تحصل فى مصر وهي انتاج لعبة 3d- صنع فى مصر null ، طبعا العوامل كتيرة الى خلت حاجة زي كده مستحيلة وتبقي مفاجاة لما تتعمل ، بس الشباب دول اثبتوا ان مفيش مستحيل مع الطموح والارادة بالذات في مجال الكمبيوتر null ، اكيد واجهوا صعوبات فعلا null وهتشوفوها واكيد مروا بتعليقات محبطة زي ( كان غيرك اشطر ) او ( يا عم سيب العيش لخبازه ) null والله اعلم يمكن محدش احبطهم خالص بس فى نوع من الناس موراهاش غير ان تحبط اي حد فى اى حاجة عاوز يعملها

المهم طولت عليكم اوي ، معانا النهاردة موقع لعبة ابو حديد Abo7adeed null ( بوحة سابقا ) وسبب تغيير الاسم هنا هتعرفوا السبب وهتشوفوا اد ايه مفيش اى اهتمام بالافكار الجديدة فى البلد دي null

واتضايقت جدا من ردود على اصحاب اللعبة بانهم غلطوا فى اختيار شخصية اللعبة وانهم هايفين وتافهين طيب حتي اعرف هما اختارو الشخصية دي ليه ، الشخصية موجودة كتير فى مصر ولو شفت الفيلم هتفهم الى اقصده بعيدا عن بعض المواقف التافهة حقيقة فى الفيلم لكن انا بتكلم علي شخصية مصرية موجودة فى الحقيقة و محدش ينكر وجودها

الناس الى كانوا متضايقين من الفكرة انا بجد بتضايق منهم جدا حتي مش بيقترح شخصية تانية ، لا ده يقوم شاتم فى اللعبة والى عاملين اللعبة يعني اكيد انسان سلبي او عنده عقدة نفسية هي الى هتوديه فى داهية ده حتي مفكرش فى مجهود الناس الى عملوا حاجة كانت فعلا في يوم من المستحيلات المصرية الى ممكن تحصل
معاكوا ان اللعبة مش جامدة قوي ومش ومش بس شوفوا بدايات الالعاب بره كانت عاملة ازاي ، ده الحمد لله قوي ان في ناس وصلت للمستوي ده واكيد مع الاستمرار هيطلعوا الى احسن بس انتوا ادعموهم بس وان شاء الله تشوفوا لعب تكسر اللعب الامريكية الى بجد هي دي الى عيب علينا نمشي وراها

انا بحيي كل واحد بذل مجهود علشان اللعبة دي تطلع للنور وهي بردو لسه فى البداية بس بداية موفقة جدا جدا جدا وانا بجد نفسي انهم يكملوا وميخلوش حاجة تقف اودامهم وتقف اودام الصناعة المصرية الجديدة ( صناعة الالعاب )

والله وعملوها الرجالة بجد

روابط خاصة بالموضوع :

29 ديسمبر, 2007




8 عدد التعليقات على “Abo7adeed Game”

  1. Ahmed Tawfik يعلق:
    29 ديسمبر, 2007 في الساعة 9:42 ص

    صبح صبح يا عم الحج بجد يا هاوى انا كان نفسى العب اللعبه دى ولقتها بفلوس بس كدا تمام اوى صبح صبح يا عم الحج

  2. حدوته جرافكس يعلق:
    29 ديسمبر, 2007 في الساعة 9:47 ص

    والله حاجة حلوة خالص انك تسمع الاخباار دى وبجد تقدر تقول انا مصرى واللعبة دى بتاعتنا ويا سلالام لو اللعبة تبقى جامده وتووزع خارج مصر …….. على العموم ربنا يوفق النااس القائمين على اللعبة دىى
    وسلالالامى ليك يا هاوى

  3. محمد يعلق:
    29 ديسمبر, 2007 في الساعة 11:56 ص

    شيئ جميل فعلا ،

    هناك الكثير من الالعاب العربية التي ظهرت ولكن لم يتم دعهما بشكل جيد
    فمثلا قبل 4 سنوات خرجت لعبة تحت الرماد التي انتجتها شركة افكار ميديا ، ثم بعدها بسنتين تقريبا خرجت لعبة تحت الحصار الى النور ، وكلتا اللعبتين تقدم الواقع الفلسطيني الحالي (انتفاضة الاقصى)
    www.underash.net

    وبعدها انتجت نفس الشركة لعبة استراتيجية سمتها قريش
    www.quraishgame.com

    وظهرت ايضا لعبة جنين التي تتحدث ايضا عن القضية الفلسطينية ،
    www.turath.com/jeneen

    كذلك ظهرت لعبة القوة الخاصة التي تتحدث عن جنوب لبنان ، وايضا كان هناك مشروع لعبة اسمها الطريق الى الاقصى ،
    وقبل كل هذه الالعاب ظهرت لعبة اسمها “زويا محاربة من تدمر”

    كل هذه الالعاب ثلاثية الابعاد :D

    ولكن هناك الكثير من الالعاب العربية او محاولات لانتاج العاب من قبل افراد او شركات واعتقد ان حصرها اصبح صعب :D

    في النهاية شكرا لك على هذا الموضوع الجميل ولعبة “ابو حديدة”حسب ما رأيت جميلة جدا وارجو ان تلقى دعم من المستخدم العربي

  4. King Of All Time يعلق:
    29 ديسمبر, 2007 في الساعة 11:59 ص

    nise game mr hawy sorry my computer is not support arabic now i will talk to you letter
    buy>>

  5. zoma يعلق:
    2 يناير, 2008 في الساعة 9:20 م

    هى لعبه جميله جدا بس يرب نشوف من المصرين الكتير ويكون اجمل من كده

  6. يوري يعلق:
    3 يناير, 2008 في الساعة 3:24 م

    والله أنا أول ما شفت صورها أيام ما كانت لسه بوحة

    تحمست جدًا للفكرة …

    وعجبتني جدًا

    بس مش عارف ليه لما شفت التريرل بتاعها على اليو تيوب .. حسيت إنها زي أي لعبة تانية عربية

    كنت لعبت لعبة عبي اسمها جنين .. كان ليها نفس الفكرة

    فمش عارف حوار الواد اللي ماشي وبيضرب في الناس بقه متشر أوي

    بس بجد فارقة في الأصوات .. فكك من حوار الأماكن والقهاوي والكلام الفاضي ده ..إنما لما تبقى الأصوات مصري ده حوار تاني خالص

    نفسي في لعبة استراتيجي عربي ( زي ستروننج هولد ورد ألرت )
    كانوا قالوا هيطلعوا لعبة اسمها قريش .. بس مشفناش حاجة

    تفاصيل أكثر عنها هنا
    http://www.quraishgame.com/

  7. mas_tec يعلق:
    4 يناير, 2008 في الساعة 11:01 م

    فشطه يا مان
    عقبالنا لما نعمل لعبه ;)

  8. Hawyphp يعلق:
    6 يناير, 2008 في الساعة 5:51 م

    @ Ahmed Tawfik :
    صبح صبح يا عم الحج ، اي خدمة يا ريس …

    @ حدوته جرافكس :
    نورت يا محمود والله وانا كمان اشترك معاك فى نفس الحلم ده ومش بس الالعاب ، ان شاء الله صناعة البرمجيات كلها .. بس مسكوني انا بس وزير تكنولوجيا المعلومات فى البلد دي وانا هخربها :d

    @ محمد :
    شرفني جدا اول رد ليك عندي يا محمد عيسي
    وبجد انا اول مرة اشوف الالعاب الى انت قولت عليها دي ونزلت الديمو بتاع لعبة جنين بجد جامدة جدا بسم الله ما شاء الله ، والله انا كنت فاكر ان ابو حديد اول لعبة عربية لكن كده بجد الحمد لله العرب شدوا حيلهم اهوو :D ربنا يوفقهم كلهم ونكسح بتوع امريكا

    @ King Of All Time :
    يا عمرو ، الكمبيوتر مبيدعمش عربي ادخل على Yamli.com ياسيدي امال انا عملت بوست عنه ليه :d شوفت بقي بيفيد ازاى يا عم الحاج ، نورت يا ريس ..

    @ Zoma :
    اكيد طبعا جميلة مش انا الى قايلك عليها ، عقبال ما اعملك لعبة Zoma El-monofy :P

    @ يوري :
    يوري باشا ، انا بردو الالعاب الى انت قلت عنها دي مكنتش سمعت عنها قبل لكده لحد ما شوفت الرد لمحمد عيسي ( تالت رد هنا ) وشوفت ردك دلوقتي وبجد بدعي للعرب ربنا يوفقهم فى المجال ده علشان نستغني عن الكلاب التانيين :D

    @ mas_tec:
    قشطة يا ريس ان شاء الله نفكر نعمل لعبة ( خناقة بين الاقامتين أ،ب فى المدرسة عندنا وننزل الملعب نضرب فى بعض وبعد كده نطلع على مبني الادارة وانت عارف الباقي بقي :D )

أضف تعليق