( تاج ) اهم 6 اسرار فى حياتي …

أضيف بواسطة Hawyphp في قسم Tags, Personal

Shhhhh-Icon.gif 

السلام عليكوووووو ،،، اخباركوا والله ليكوا وحشة والمدونة ليها وحشة والدنيا كلها ليها وحشة

طيب التدوينة دي بقالها فترة المفروض انزلها بس بجد ضغط الشغل مسمحليش باي تدوين نهائي

التاج ده عايز مني اهم 6 اسرار فى حياتي ربما لن يكتشفها الغرباء او زي ما بيقولوا الى بيقابلوني اول مرة

وكان مررهولي صديقي هشام صادق في تعليق سابق له  وده اول تاج ليا في المدونة هنا :)  …

 قوانين التاج :-

  1. توضيح اسم المدون الى مررلي التاج (هشام صادق) .
  2. توضيح قواعد التاج ( بوضحها اهو ولا انا بلعب يعني ) .
  3. اتكلم عن اهم 6 اسرار في حياتي ربما لن يكتشفها الغرباء ( وده الي هيحصل دلوقتي ) .
  4. امرر التاج ل 6 مدونين مع ذكر اساميهم وروابط مدوناتهم ( يا سلام من عنيا الاتنين ) .
  5. اترك تعليق فى المدونة الى همررلها التاج ( عز الطلب ) .

اهم 6 اسرار فى حياتي الغرباء ممكن مش يلاحظهوم فيها  :-

  1. عصبي جدا لدرجة صعبة يعني .. 
  2. متسرع احيانا فى اتخاذ القرارات او انتظار نتائج شئ معين ..
  3. خجول جدا وخصوصا عند التعامل مع الجنس الناعم وجها لوجه ايا كان السن او صلة القرابة  ..
  4. بسمع اغاني كتير أووفر وربنا يهديني و ناس كتير بيكونوا واخدين عني فكرة غير كده خالص ..
  5. اجتماعي جدا انا مش بشكر فى نفسي بس انا بقول كده من منطلق اني بحب اكون صداقات كتير واتعرف على ناس وخصوصا لو كانوا اكبر مني سنا او خبرة فى مجالي ..
  6. مصدعاتي ودي بيتخدع ناس كتير فيا ويفتكروني هادي وفى حالي لكن انا غير كده خالص انا بعمل ارقام قياسية فى عدد الكلمات فى الثانية الواحدة بس مش عايز اخش موسوعة جنيس اصلي مش بحب اتصور وكده واطلع فى ال TV بقي وانتوا فاهمين ..  

اكيد طبعا سكتم بكتم زي منتوا شايفين فى اول التدوينة يعني هششش ومحدش يطلع الكلام ده بره ..

6 مدونين همررلهم التاج :-

  1. كريم ..
  2. احمد (مبرمج حر ) ..
  3. مروان عبد الناصر ..
  4. مصطفي محمد ..
  5. رشا نور الدين ..
  6. نوري ( رومانسية بالمايونيز) ..

وهروح دلوقتي ازورهم واعلق عندهم دي اوامر التاج ولابد من التنفيذ  …..

وبعدها هرجعلكوا تاني هنا علشان اكتب عن الاجازة بقي الى جريت فريررررررررة …….

30 أغسطس, 2008




10 عدد التعليقات على “( تاج ) اهم 6 اسرار فى حياتي …”

  1. احمد والى يعلق:
    30 أغسطس, 2008 في الساعة 6:22 م

    6 اسرار ليه ما خلتهمش 7 ويكون زى فيلم السبع تقلام
    والسر ال 7 هقوله هنا محمد زملكاوى اوى وبيضايق لما الاهلى يلب الزمالك على قفاه انا عايزك كده سيرلاكس وتاخد الموضوع سهل زى الحقنه :P
    وعايزين نشوف ليك تدوينه عن الاهلى والزمالك بس لما تغلبوا واعتقد دى ولا سنتين جايين
    بحبك اهزر معاك واستفزك مش عارف ليه وفيه سر 8 بس يلا مش هقوله هههههههه الى قطعت لى فيها القميص يوميها :P

  2. حسين الميدومي يعلق:
    30 أغسطس, 2008 في الساعة 7:21 م

    محمد باشا
    وحشني يبني والله

    انا بس هقول حاجه واحده ان انت مش بتحب تتصور بقي وال tv بقي وكده ههههههههههههه

    بقي انت مش بتحب تطلع في ال tv طيب ناسي ولا افكرك هههههههه
    والسر رقم 3 ده انا عارفه هههههههههه قولتهولي في تمشيه رواقه كده ههههههههههههه

    المهم يلا سلام بقي وربنا يوفقك يا محمد

  3. شمس يعلق:
    30 أغسطس, 2008 في الساعة 7:44 م

    بص يا محمد

    اولا انا مش شايف انك عصبى

    اه متسرع اوى

    خجول دى بسيطة اى انسان محترم بيبقى خجول

    بتسمع اغانى عادى عيش شبابك وسنك

    عارف انك اجتماعى

    ومصدعاتى دى محدش يسبقك فيها

    اسئلونى انا

    بس رغم ده كله انت انسان ذى العسل

    وبنحبك

  4. Linux.killer يعلق:
    30 أغسطس, 2008 في الساعة 11:37 م

    فيه تعليق بسيط

    اوعاااا ياعم — عن اذنك كدا يااخ

    اقتباس”بس مش عايز اخش موسوعة جنيس اصلي مش بحب اتصور وكده واطلع فى ال TV بقي وانتوا فاهمين .”

    لالا دى وسعت منك انته مش لسه متصور فى قناة النجاح 2 وقايل سؤالين حفظهوملك :]

    شكل الاسرار كدا فشنك :(

    ورمضان كريم ;)

  5. الصيفى يعلق:
    31 أغسطس, 2008 في الساعة 11:07 ص

    هههههههههههههه
    قال مصدعاتى قال
    روح يا عم روح
    انت اه مصدعاتى بس مش هتقدر تتحدانى فيها وانت عارف كده

    والخجول بسم الله ما شاء الله خجول ومحترم وامور والبنات بتحبك ^^

    والعصبيه بتاعتك دى هيجى ويوم وتبطلها ^^ ….

    اسيبك انا بأه

    احلى سلام

  6. هوندا يعلق:
    31 أغسطس, 2008 في الساعة 4:11 م

    ههههههههههههه اجاباتك تحفه

  7. البوب رضا يعلق:
    6 سبتمبر, 2008 في الساعة 4:18 ص

    انتا فعلا عصبى بس بتهدا بسرعة
    منسرع شوية كلنا كدا
    خحول اوىىىىى فعلا

    واجتماعى اوىىىىىىىىى

    والاغانى كلنا بنسمع
    بس بجد والله العظيم انتا جدع جدا وانا بحترمك اوى
    وعرفتك اكتر لما تقربت منك بس بجد والله العظيم
    وبازن الله ليك مستقبل كبير
    وربنا يوافقك يا حماده ه ه ه ه ه

  8. Hawyphp يعلق:
    8 سبتمبر, 2008 في الساعة 11:32 م

    @ احمد والي :

    بالنسبة للسر 7 ده مش سر انا زملكاوي وبقولها باعلي صوت وكلي فخر و متنساش ان اول نادي شال ستة هو النادي الاهلي :D

    بالنسبة لل 8 ،، تصدق نسيت السر ده :D بس الغرباء عني ممكن يعرفوه ببساطة لو بيتمشوا معايا يعني ههههههههههه

    نورت يا احمد والله ويارب علطول اشوفك منور المدونة

    @ الميدومي باشا :

    عم الحاج ،، انت عارف يعني ،، انا بس ساعتها كنت مضطر ياعني مرضيتش اكسفهم :lol:

    وبلاش فضايح بقي ياعم الحاج ;)

    نورت يا مان

    @ شمس :

    والله انت الى زي العسل يا شموووسة انت وتفضل منورنا كده علطول :) ،، انت بس لو تيجي بالليل كمان علشان نوفر كهرباء هههههههه بضحك معاك ياض :)

    مش هقولك نورت بقي لان انت منور فعلا لوحدك :)

  9. Hawyphp يعلق:
    8 سبتمبر, 2008 في الساعة 11:41 م

    @ linux.killer :
    ما بلاش انت يبني :D — تزعلووووش هههههههه —

    بس استني بس وسعت ايه وبتاع ايه يا عم

    موضو عالتلفزيون مش سر ،، انا كنت بقول السر ال 6 الي هو اني مصدعاتي لكن ده مش سر ولا حاجة

    وكمان انت عارف ساعتها انا مرضيتش اكسفهم وكنا داخلين الجيم بقي وكده ;)

    نورت يا حسام المدونة والله :) .. وبردو مسمعوش كلامي هههههههههه

    @ الصيفي :
    باشا ،، انت خلاص داخلين على شهر 10 والشتاء بقي ومش هنشوفك هههههههههههه

    بالنسبة للصداع فطبعا انا مجيش جنبك حاجة يبني انت الكينج :)

    نورت يا بيدو ،، هو الجو برد كده ليه ههههههههههههههه
    فاهم انت ;)

    @ هوندا :
    ههههههههههههههه :lol:

    @ البوب رضا :
    حماد ه ه ه ه … اخويا وحبيب قلبي يا رضا والله :)
    ماشي يا باشا وهانت اهي وهتزهق مني :D

    شكرا لكل الي نورووروني

  10. Ayman Fekri يعلق:
    23 سبتمبر, 2008 في الساعة 4:49 م

    ممممممممممممم حلو التاج ده
    مينفعش الواحد يخليهم 12 اصلي الاسرار كثير وواجب نشرها

أضف تعليق